HASELIA Vallis

HASELIA Vallis

vulgo Hasli-land, tractus terrae in vet. pago Tugino, in Helvetia; cuius incolae, secundum Gullim. p. 330. ex Frisia Orient. et urbe Hasselinga, quae in Westphalia, aut potius Hasselio opp. ad Viadrum fluv. finibus Frisiae Occ. prov. Transisalana, Restio Ductore huc delati, Haseliam de se vallem constituêrunt. Liberi et fortes, cum tribus pagis vetustissimis, Guidone Duce, rogatu Pontificis, in Italiam transgressi, bello Saracenico urbi romae fortem fidamqueve navarunt operam, multis proin immunitatibus a Ludovico Pio Imp. donati. Bernatibus sese iunxêre, circa A. C. 1291. in quorum ditione hodiequeve degentes, Ammannum seu Praefectum habent ex suo corpore, qui a Senatu Bernensi ad id munus deligitur, illiqueve rationem reddit. Simlerus descr. Helv. Ioh. Bapt. Plantin. Helv. Antiq. et Nov. etc. Fontem in hac valle, in monte, Engstlen nominato, haud procul ab Arolae fontibus, memorat Cl. Suicer. Descr. Helvet. qui nullo anni tempore fluere consuevit, praeterquam Iunio, Iulio et Aug. mensibus, cum pecora et armenta ibi pascuntur, fluitqueve certis tantum horis, mane et vesperi, quando ad potum pecora aguntur: In hunc si quid impuri immittas, evanescit, nec aquae, nisi post aliquot dies, redeunt.